Կանոնակարգը չստորագրելը կփրկի ՀՀ-ն վերահաս աղետից․ ընդդիմությունը հանրահավաք կանի

Այսօր «Սրբազան շարժում»-ը կոչ է անում հավաքվել Բաղրամյան փողոցում՝ նախագահական նստավայրի դիմաց։

Ընդդիմադիրները պահանջելու են, որպեսզի Վահագն Խաչատուրյանը չստորագրի Հայաստանի և Ադրբեջանի միջև Սահմանազատման մասին կանոնակարգը, որն այս շաբաթ վավերացրեց Հայաստանի խորհրդարանը։

«Որոշումը չստորագրելը ոչ միայն կփրկի Հայաստանի Հանրապետությունը վերահաս աղետից, այլև կհանդիսանա նախագահին տրված այն եզակի հնարավորություններից մեկը, որը նրան կփրկի վերջնականապես Նիկոլի ծառայի վերածվելուց»,-ասվում է հայտարարությունում։