ՖՈՏՈ, ՎԻԴԵՈ․ Հայկ Մարությանն արդեն Հյուսիսային պողոտայում է. նախապատրաստական աշխատանքներ են ընթանում

Երևանի նախկին քաղաքապետ Հայկ Մարությանը  արդեն Հյուսիսային պողոտայում է․ որտեղ նախապատրաստական աշխատանքներ են ընթանում «Առավելագույնը՝ 100 դրամ» նախաձեռնության հետ կապված։

ArmLur.am-ը գրել էր, որ Երևանի նախկին քաղաքապետ Հայկ Մարությանը նախաձեռնել է ստորագրահավաք՝ հունվարի մեկից տրանսպորտային համակարգում սպասվող թանկացումների դեմ։

«Սիրելի երեւանցիներ, սկսում ենք ստորագրահավաք՝ հունվարի 1-ից նախատեսված տրանսպորտի թանկացման դեմ։ ՔՊ-ական իշխանությունը ոչ միայն չի կարողանում նորմալ կազմակերպել էլեկտրոնային վճարման համակարգին անցումը՝ քաոս եւ անհարմարություններ ստեղծելով մեր քաղաքացիների համար, այլեւ մտադիր է հունվարի 1-ից լրջորեն թանկացնել տրանսպորտը»,- իր հայտարարության մեջ նշել է Հայկ Մարությանը։

Նշենք, որ արդեն այսօր՝ նոյեմբորի 5-ին, մեկնարկում է Հայկ Մարությանի «Առավելագույնը՝ 100 դրամ» նախաձեռնությունը։

Մանրամասները՝ տեսանյութում։

Աննա Սրապիոնյան