Իսպանիայի մայրաքաղաք Մադրիդում նոյեմբերի 16-ին մեկնարկեց «Մանկական Եվրատեսիլ 2024» երգի միջազգային մրցույթը, որին մասնակցում է 17 երկիր: Մրցույթը հեռարձակվում է Հանրային հեռուստատեսության ուղիղ եթերում: Այն մեկնաբանում են Հրաչուհի Ութմազյանն ու Սևակ Հակոբյանը:
Հայաստանի պատվիրակ Լեոն հանդես կգա 4 համարի ներքո և կկատարի «Cosmic Friend» երգը:
Մրցույթի առցանց քվեարկությունը մեկնարկել է Երևանի ժամանակով նոյեմբերի 15-ի լույս 16-ի կեսգիշերից: Բոլոր ցանկացողները կարող էին ձայն տալ իրենց նախընտրած մասնակցին https://vote.junioreurovision.tv/ կայքի միջոցով:
Քվեարկությունն ավարտվեց նոյեմբերի 16-ին՝ մրցույթից անմիջապես առաջ: Այն կվերաբացվի ուղիղ եթերի ընթացքում, երբ բոլոր կատարումներն ավարտված կլինեն:
Հայաստանի ներկայացուցիչ Լեոյի օգտին կարող են քվեարկել Հայաստանում բնակվող երաժշտասերները ևս: Քվեարկել հնարավոր է նաև այն երկրներից, որոնք մրցույթին չեն մասնակցում:
Մրցույթին մասնակցում են Հայաստանը, Ալբանիան, Էստոնիան, Ֆրանսիան, Կիպրոսը, Վրաստանը, Գերմանիան, Իռլանդիան, Իտալիան, Մալթան, Նիդերլանդները, Հյուսիսային Մակեդոնիան, Լեհաստանը, Պորտուգալիան, Իսպանիան, Միացյալ Թագավորությունը և Ուկրաինան:
Մրցույթին մասնակցելու համար Հայաստանի պատվիրակն ընտրվել է Հանրային հեռուստաընկերության նախապես հայտարարած մրցույթի արդյունքում:
Ավելի վաղ Հայաստանի մասնակից Լեոն նշել էր, որ իր եվրատեսիլյան երգը այլմոլորակային ընկերոջ մասին է
.gif)
