ArmLur.am-ի տեղեկությունների համաձայն` իրավապահներին հրահանգ է տրվել ուժեղացված հսկողություն սկսել ՀՀ բոլոր տարածքներում։
ArmLur.am-ին հասած տեղեկությունների համաձայն՝ պատճառը կապված է լուրջ դեպքի հետ։
Գորիսի բանտից առանձնապես ծանր հանցագործությունների մեջ մեղադրվող երկու կալանավորի ուղեկցող գնդի հսկողության տակ տեղափոխել են Երեւան, սակայն կասկածելի հանգամանքներում կալանավորները փախել են ոստիկանության ուղեկցող խմբի անդամների հսկողությունից։ Այս պահին իրավապահներին հրահանգ է տրվել ուժեղացված ծառայության անցնել, քանի որ առանձնակի ծանր հանցագործության մեջ մեղադրվողները չկան ու անհապաղ պետք է գտնել նրանց։
ՔԿ ծառայության լրատվականից ի պատասխան ArmLur.am-ի հրապարակման հայտնեցին, որ փախուստի դիմած կալանավորը եղել է մեկ անձ, որին դատարանի որոշմամբ Արմավիրի բանտից ոստիկանության ուղեկցող գումարտակը ժամը 16:15-ի սահմաններում տարել է Գորիսի ՔԿՀ եւ կալանավորը ճանապարհին փախուստի է դիմել։ Արդյունքում իրավապահները հայտնաբերել են նրան։
Քնար Մանուկյան
.gif)
