Վրաստանում դեկտեմբերին նախագահ կընտրեն. հայտնի է ընտրությունների օրը

Վրաստանում նախագահական ընտրությունները տեղի կունենան դեկտեմբերի 14-ին, իսկ երդմնակալության արարողությունը՝ դեկտեմբերի 29-ին:

Այ մասին բյուրոյի նիստում հայտարարել է խորհրդարանի նախագահ Շալվա Պապուաշվիլին։

Վրաստանի օրենսդիր մարմնի ղեկավարը բյուրոյին առաջարկել է նախագահական ընտրությունների ամսաթիվը և համապատասխան բանաձևի նախագիծը, որը կներկայացվի լիագումար նիստին։

«Այս դեպքում ես առաջարկություն կանեմ նախագահական ընտրությունների օրվա հետ կապված, և այն կներառենք օրակարգ, այնուհետև խորհրդարանի լիագումար նիստի ժամանակ կհաստատենք, որ այն տեղի կունենա 2024 թվականի դեկտեմբերի 14-ին, երդմնակալությունը տեղի կունենա դեկտեմբերի 29-ին»,- ասել է Պապուաշվիլին։