ՏԵՍԱՆՅՈՒԹ․ Աղազարյանը` Մոսկվայից ազդեցիկ մարդ է բերում Փաշինյանի դեմ

Հովիկ Աղազարյանն ընդդեմ Նիկոլ Փաշինյանի պայքարը թեժանում է։

ArmLur.am-ի տեղեկություններով՝ ՔՊ-ում այս օրերին բուռն քննարկում են, որ Հովիկ Աղազարյանը համարձակվել է դեմ դուրս գալ Նիկոլ Փաշինյանին։

Նիկոլ Փաշինյանը իր հարցազրույցում հայտարարեց, որ sms-ով դիմել է Նարեկ Զեյնալյանին ու Հովիկ Աղազարյանին և հորդորել մանդատները վայր դնել։

Նարեկ Զեյնալյանը լուռումունջ կատարել է այս պահանջը, մինչդեռ Աղազարյանը դեռ դիմադրում է։ Բանը հասավ նրան, որ վերջինիս կանչեցին ՔՊ վարչություն, բայց Հովիկ Աղազարյանը շարունակում է մերժել նրան։

ՔՊ-ի ArmLur.am-ի աղբյուրները փոխանցում են, որ Նիկոլ Փաշինյանը չի ներելու Հովիկ Աղազարյանին՝ իր դեմ դուրս գալու համար, ու արդեն իսկ քայլեր է ձեռնարկում Աղազարյանի հետ կապված, քանի որ ոչ մի կերպ չի ենթարկվում իր պահանջին։

Անգամ Ալեն Սիմոնյանն է օրեր առաջ Հովիկ Աղազարյանին «բերման ենթարկել» ու նախազգուշացրել՝ եթե մանդատը վայր չդնի՝ իր և ընտանիքի անդամների համար լավ չի լինի։

Հիմա էլ Հովիկ Աղազարյանը «որոշել է» մարդ բերել Նիկոլ Փաշինյանի վրա, ինչպես երեկ հայտարարել էր՝ սպասում է իր մտերիմ ընկերը Մոսկվայից գա, նրա հետ խորհրդակցի ու նոր հայտնի իր որոշման մասին։

Ստացվում է՝ Նիկոլ Փաշինյանի «պողպատյա մուրճը» ազդում է անգամ իրավապահ համակարգի բարձրաստիճան պաշտոնյաների վրա, բայց ոչ՝ Հովիկ Աղազարյանի։

Ավելին, ArmLur.am-ի տեղեկություններով՝ ՔՊ խմբակցության պատգամավորները հանդիպում են Հովիկ Աղազարյանի հետ ու հորդորում են չթշնամանալ Նիկոլ Փաշինյանի հետ, քանի որ հնարավոր է հասնեն նրան, որ իրեն և որդուն, ով ևս քրգործով է անցնում, տանեն կալանավորման։

Մինչդեռ ՔՊ-ն ամբողջ թիմով ճնշումներ է գործադրում Հովիկ Աղազարյանի վրա, ստիպում է մանդատը վայր դնել, վերջինս անդրդվելի է։

Հովիկ Աղազարյանի երեկվա հայտարարություններից էլ ակնհայտ էր, որ նրա նկատմամբ լուրջ ճնշումներ կան։

Մանրամասները՝ տեսանյութում։

Սոնա Գրիգորյան