Դատախազությունը պահանջում է 545 միլիոն դրամից ավելի 6 անշարժ գույք և 97 միլիոն դրամ բռնագանձել ԶՈՒ ԳՇ նախկին պետից

ՀԵՏԵՎԵՔ ՄԵԶ Telegram-ՈՒՄ
Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ ՀՀ զինված ուժերի գլխավոր շտաբի նախկին պետ Արտակ Դավթյանից և նրան փոխկապակցված անձանցից բռնագանձել`
  • 6 անշարժ գույք, որոնց շուկայական արժեքը կազմում է ավելի քան 545 մլն 682 հազար դրամ.
  • 97 մլն 371 հազար դրամ:
Հակակոռուպցիոն դատարանը 2024 թվականի դեկտեմբերի 6-ին վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը:
Հիշեցնենք, որ ArmLur.amգրել էր, որ Զինված ուժերի գլխավոր շտաբի նախկին պետ Արտակ Դավթյանի ապօրինի ծագում ունեցող գույքի բռնագանձման գործը մտավ Հակակառուպցիոն դատարան: Գործը մակագրվել է դատավոր Աշխեն Ռուբեն Ղարսլյանին։

Հայաստանի զինված ուժերի գլխավոր շտաբի նախկին պետ Արտակ Դավթյանը հրավիրվել է ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչություն։

«Ազդարար» հարթակում հրապարակված հաղորդագրությունից, ԶՈՒ ԳՇ նախկին պետին պատկանող գույքի առնչությամբ ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունում կատարվել է ուսումնասիրություն, որի արդյունքում կազմվել է ամփոփագիր։

Նշվում է, որ Արտակ Դավթյանը իրավունք ունի ծանոթանալ գործի նյութերին, հայտնել դիրքորոշում ու ներկայացնել հայտարարագիր։

Դավթյանը ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչություն է հրավիրվել հոկտեմբերի 18-ին։




Լրահոս