ՏԵՍԱՆՅՈՒԹ․ ԱԺ նախկին պատգամավորի եղբայրը կշարունակի մնալ ԱԱԾ մեկուսարանում

ԱԺ նախկին պատգամավոր Ռուստամ Գասպարյանի եղբայրը կշարունակի մնալ կալանքի տակ, դատարանը ևս 2 ամսով երկարաձգել է նրա կալանքը։

ArmLur.am-ն ավելի վաղ հայտնել էր, որ իրավապահ մարմինները լծված են իշխանության յուրացման գործով կալանավորված, ԱԺ նախկին պատգամավոր Ռուստամ Գասպարյանի եղբորը՝ Սերոբ Գասպարյանին եւ մյուս մեղադրյալներին կալանքի տակ պահելու գործին։ Այսօր պարզ կլինի՝ դատարանը բավարարե՞լ է նախաքննական մարմնի հերթական միջնորդությունը, եւ Սերոբ Գասպարյանը կշարունակի՞ մնալ ԱԱԾ մեկուսարանում, թե՞ ազատ կարձակվի:

Քրեական գործով անցնող մյուս մեղադրյալների մասով եւս նախաքննական մարմինը դիմել է դատարան՝ կալանքը երկարաձգելու միջնորդությամբ։

Նշենք, որ Սերոբ Գասպարյանի կալանքը 2 անգամ երկարաձգվել է. վերջին անգամ 2024 թվականի դեկտեմբերի 17-ին դատարանը նրա կալանքը մեկ ամսով երկարաձգեց։

Հիշեցնենք, որ Գասպարյանը մեղադրվում է մի քանի արցախցի անձանց հետ նախնական համաձայնությամբ իշխանությունը յուրացնելու նախապատրաստություն կատարելու համար: Քրեական հետապնդում էր հարուցվել 7 անձի նկատմամբ: Նրանցից 3-ը կալանավորվել են, իսկ 4-ի նկատմամբ հայտարարվել է հետախուզում. նրանց որոնում են շուրջ 4 ամիս:

Մանրամասները՝ տեսանյութում։

Քնար Մանուկյան