ՊՆ գլխավոր քարտուղարն ուզում է ՔՊ-ական պատգամավոր դառնալ

Armlur.am-ը տեղեկացավ, որ ՀՀ ՊՆ գլխավոր քարտուղար Համլետ Բատիկյանը ևս ընդգրկված է ՔՊ 2026 թվականի նախընտրական ցուցակում:

Մենք տեղեկացանք, որ Բատիկյանը ՔՊ ցուցակի 044 համարն է: Այսինքն Բատիկյանը նպատակ ունի գործադիրից օրենսդիր գնալ, ՔՊ պատգամավոր դառնալ:

Նշենք, որ այս պահին ՔՊ կենտրոնական գրասենյակում ընթանում է ՔՊ նախընտրական ցուցակի ներքին ընտրությունները:

Հիշեցնենք՝ Համլետ Բատիկյանը 2020թ․ ապրիլի 30-ին նշանակվել էր Տարածքային կառավարման և ենթակառուցվածքների նախարարության գլխավոր քարտուղար։ Նախարարն այդ ժամանակ Սուրեն Պապիկյանն էր։

Իսկ, երբ Սուրեն Պապիկյանը նշանակվեց ՀՀ պաշտպանության նախարար, Համլետ Բատիկյանը նշանակվեց ՊՆ գլխավոր քարտուղար:

Սոնա Գրիգորյան