Մերձավոր Արևելքում ԱՄՆ դաշնակիցները հայտնում են հակահրթիռային արկերի պակասի մասին

ԱՄՆ վարչակազմը գիտակցում է, որ Մերձավոր Արևելքում իր դաշնակիցները բախվում են հակահրթիռային արկերի պակասի հետ։ Այս մասին հայտնել է CBS-ը՝ հղում անելով աղբյուրներին։

Այս աղբյուրների համաձայն՝ հրթիռային պաշարների նվազման պատճառով Պարսից ծոցում ԱՄՆ դաշնակիցները ստիպված են «ընտրել», թե որ թիրախներին խփել։ Վաշինգտոնը մտադիր է ստեղծել աշխատանքային խումբ՝ երկրներին օգնելու համալրել իրենց զինանոցները։ Սակայն, նշել են աղբյուրները, դա արագ տեղի չի ունենա։

Պենտագոնի քարտուղար Փիթ Հեգսեթը նախկինում CBS-ին տված հարցազրույցում հայտարարել էր, որ ԱՄՆ-ն «ավելի քան պատրաստ է» և «ծրագրում է» հակահրթիռային արկեր մատակարարել Մերձավոր Արևելքում իր դաշնակիցներին։ Նա հավելել է, որ ԱՄՆ-ն իր զինանոցում ավելի շատ զինամթերք ունի, քան անհրաժեշտ կլիներ Իրանում ռազմական արշավի ժամանակ։

«American Conservative» ամսագիրը նախկինում հայտնել էր, որ Իրանի դեմ ռազմական գործողության ընթացքում ԱՄՆ հակահրթիռային արկերի զինանոցը սպառվում է աննախադեպ արագությամբ։