Իրանը չի ուզում «կրկին խաբվել» ԱՄՆ առաջարկներին

Իրանի ղեկավարությունը կարծում է, որ Իսլամաբադում բանակցություններ անցկացնելու ԱՄՆ-ի առաջարկը կարող է խորամանկություն լինել, մարտի 24-ին հաղորդել է Axios-ը՝ հղում անելով աղբյուրներին։

Իրանի ներկայացուցիչները Պակիստանի, Եգիպտոսի և Թուրքիայի միջնորդներին ասել են, որ Մերձավոր Արևելք ամերիկյան զորքերի տեղակայումը «ուժեղացրել է նրանց մտավախությունը, որ խաղաղության բանակցությունների առաջարկը կարող է խորամանկություն լինել»։

Ինչպես հաղորդում է Axios-ը, Իսլամական Հանրապետության ներկայացուցիչները նշել են, որ «չեն ուզում կրկին խաբվել», քանի որ անցյալ տարվա հունիսին և այս տարվա փետրվարի 28-ին Իրանի վրա հարձակումները տեղի են ունեցել բանակցային գործընթացի կեսին։ Պորտալը նշում է, որ ԱՄՆ-ը, որպես բանակցությունների հիմք, դիտարկում է Իրանին տրված հակամարտությունը դադարեցնելու 15 կետանոց ծրագիրը:

Axios-ի փոխանցմամբ՝ ԱՄՆ վարչակազմի պաշտոնյաները հույս ունեն պարզել, թե արդյոք Թեհրանը պատրաստ է զիջումների գնալ, որոնք նա չէր ցանկանում անել նախորդ բանակցությունների ժամանակ: