ՏԵՍԱՆՅՈՒԹ․ Ինչ է կատարվում Երասխի ճանապարհի ավտովթարի դեպքի վայրում․ 1 զոհ․ 1 վիրավոր

Ինչպես հայտնել էինք, այսօր՝ մարտի 30-ին՝ ժամը 09:10-ի սահմաններում «Կամազ» մակնիշի բեռնատարը Երևան-Երասխ-Մեղրի ավտոճանապարհի՝ ժողովրդին հայտնի «Երասխի կարցևոյում»՝ արագաչափի հարևանությամբ, բախվել է «Nissan Tilda», «Mercedes», «Opel«, «Toyota RAV4» մակնիշի ավտոմեքենաներին և ավտոքարշակին։

ArmLur.am-ին հայտնի դարձավ, որ մահացածն ու վիրավորը հայր ու որդի են, մահացածը որդին է՝ 20 տարեկան։ Տեղեկացանք նաև, որ վթարված մեքենաների մեջ կա նաև ԱԱԾ մեքենա։

Ինչպես դեպքի վայրից հայտնում է ֆոտոլրագրող Գագիկ Շամշյանը, բախման հետևանքով «Կամազ»-ը կողաշրջվել է և հայտնվել ճանապարհի մեջտեղում։

Դեպքի փաստով Վեդիի քննչական բաժնում նախաձեռնվել է քրեական վարույթ, որտեղ էլ պարզում են ավտոմեքենաների սեփականատերերի, վարորդների վիրավորի և մահացածի ինքնությունը։ Ֆոտոլրագրողը հայտնում է, որ բացի «Կամազ»-ից բոլոր ավտոմեքենաները եղել են կայանված, որոնցից մի մասը վերածվել է մետաղե ջարդոնի։

Մանրամասները՝ տեսանյութում․