Մայիսի 27-28-ը Կիպրոսում կայանալիք ոչ պաշտոնական հանդիպման ժամանակ ԵՄ արտաքին գործերի նախարարները կքննարկեն Ռուսաստանի նկատմամբ եվրոպական պահանջների մի շարք և կուրվագծեն եվրոպական կարմիր գծերը Ռուսաստանի հետ բանակցությունների դեպքում։ Այս մասին հայտարարել է Եվրամիության դիվանագիտական ծառայության ղեկավար Կայա Կալասը ԵՄ արտաքին գործերի նախարարների պլանավորված հանդիպումից հետո տեղի ունեցած մամուլի ասուլիսում։
«Մենք պետք է միմյանց միջև համաձայնության գանք, թե ինչ ենք ուզում Ռուսաստանից և որտեղ են մեր կարմիր գծերը», – ասել է Կալասը։ Նա կարծում է, որ ԵՄ արտաքին գործերի նախարարների ոչ պաշտոնական հանդիպումը «լավ հնարավորություն կլինի այս քննարկման համար»։
Նա ընդգծել է, որ նախարարներին կներկայացնի «Ռուսաստանին ուղղված պահանջների ցանկ, որոնք ԵՄ-ն կպնդի»։ «Ես այս ցանկը պատրաստել եմ մի քանի ամիս առաջ (նկատի ունենալով Անքորիջում Ռուսաստան-ԱՄՆ գագաթնաժողովից հետո կազմված ԵՄ պահանջների ցանկը – խմբ.), և ես այն կներկայացնեմ նախարարներին», – ասել է Կալասը։
.gif)
