Երևանում կայացավ ֆրանսահայ անվանի պատմաբան և ցեղասպանագետ Ռայմոնդ Հարություն Գևորգյանի նոր գրքի շնորհանդեսը։
Միջոցառումը կազմակերպվել էր «ԱՆԻՎ» հայագիտական հետազոտությունների զարգացման և աջակցման հիմնադրամի ու Նարեկացի ինստիտուտի կողմից՝ հեղինակի մասնակցությամբ։ Շնորհանդեսի ընթացքում ներկայացվեց Գևորգյանի «Ցեղասպանության ավարտը. Մուստաֆա Քեմալը և փրկված հայերի ու հույների ոչնչացումը (1918–1922)» աշխատության ռուսերեն հրատարակությունը։
Միջոցառմանը ներկա էին պատմաբաններ, գիտական շրջանակների ներկայացուցիչներ, ուսանողներ և թեմայով հետաքրքրված բազմաթիվ քաղաքացիներ։ Հեղինակը ներկայացրեց գրքի հիմնական դրույթներն ու ուսումնասիրության առանցքային եզրահանգումները՝ անդրադառնալով Առաջին համաշխարհային պատերազմից հետո Օսմանյան կայսրության և քեմալական շարժման քաղաքականությանը։
Նանիկ Աղասյան
Մանրամասները՝ տեսանյութում․
.gif)
