Իսրայելի վարչապետ Բենիամին Նեթանյահուն իր կաբինետի անդամներին ասել է, որ «շատ լուրջ» է վերաբերվում Թուրքիայի նախագահ Ռեջեփ Թայիփ Էրդողանի՝ հրեական պետության վերաբերյալ հռետորաբանությանը և այս մտահոգությունները կներկայացնի Միացյալ Նահանգների ուշադրությանը։
«Մենք նրա խոսքերը շատ լուրջ ենք ընդունում, քանի որ եթե մենք ինչ-որ բան սովորել ենք մեր ժողովրդի պատմությունից, դա այն է, որ երբ ինչ-որ մեկն ասում է, որ մտադիր է ոչնչացնել ձեզ, նրա խոսքերը պետք է լուրջ ընդունվեն», – ասել է Նեթանյահուն կաբինետի նիստում, ըստ Times of Israel-ի։
Նեթանյահուն ընդգծել է, որ նման հայտարարությունները կներկայացնի ամերիկացի գործընկերների ուշադրությանը։
Հրապարակման համաձայն՝ Էրդողանը և այլ բարձրաստիճան թուրք պաշտոնյաներ վերջերս ուժեղացրել են Իսրայելի դեմ ուղղված իրենց սպառնալիքները, իսկ Թուրքիայի ներքին գործերի նախարարը հույս է հայտնել հունիսի սկզբին «Երուսաղեմի ազատագրման» վերաբերյալ։
Կիրակի Իսրայելի կառավարությունը հաստատել է Օսմանյան կայսրությունում հայերի ցեղասպանությունը ճանաչող բանաձև։
Ի պատասխան՝ Թուրքիայի նախագահը կրկին մեղադրել է Իսրայելին Գազայի հատվածում պաղեստինցիների դեմ ցեղասպանություն իրականացնելու մեջ՝ ընդգծելով, որ կարծում է՝ մեղավորներն անխուսափելիորեն պատասխանատվության կենթարկվեն։
.gif)
