Ռուսաստանի Դաշնության նախագահ Վլադիմիր Պուտինը շնորհավորել է Միացյալ Նահանգների նախագահ Դոնալդ Թրամփին՝ ԱՄՆ-ի անկախության 250-ամյակի կապակցությամբ:
Այս մասին նշված է Կրեմլի պաշտոնական կայքում տարածված շնորհավորական ուղերձում.
«Հարգելի՛ պարոն նախագահ, թանկագին Դոնալդ, ընդունիր իմ անկեղծ շնորհավորանքները Ամերիկայի Միացյալ Նահանգների անկախության 250-ամյակի կապակցությամբ։
ԱՄՆ Անկախության հռչակագրի ստորագրումը ոչ միայն նշանավորեց Ձեր ազգի գոյության սկիզբը, այլև դարձավ համաշխարհային պատմության նշանակալի հանգրվան։ Այն ժամանակ Ռուսաստանը անվերապահորեն աջակցեց հյուսիսամերիկյան գաղութարարներին բրիտանական տիրապետությունից ազատագրման համար պայքարում։
Վերջին երկուսուկես դարերի ընթացքում մեր երկրների միջև հարաբերությունների տարեգրքերում գրվել են բազմաթիվ փառահեղ էջեր։ Մենք դաշնակիցներ էինք երկու համաշխարհային պատերազմներում, միասին մենք մարդկությանը ազատագրեցինք նացիզմի սարսափներից, ապա կարևոր դեր խաղացինք ժամանակակից աշխարհակարգի հիմքերը դնելու գործում։ Եվ այսօր Ռուսաստանը և Միացյալ Նահանգները՝ որպես երկու խոշորագույն միջուկային տերություններ, հատուկ պատասխանատվություն են կրում համաշխարհային մասշտաբով անվտանգությունն ու կայունությունն ապահովելու համար։
Վստահ եմ, որ Մոսկվայի և Վաշինգտոնի միջև կառուցողական, հավասար և փոխշահավետ հարաբերությունների հաստատումը ծառայում է ոչ միայն մեր ժողովուրդների, այլև ամբողջ համաշխարհային հանրության շահերին։
Մաղթում եմ քեզ, Դոնալդ, և քո ընտանիքին առողջություն, բարեկեցություն և հաջողություն, իսկ ամերիկացի բոլոր քաղաքացիներին՝ երջանկություն և բարգավաճում»։
.gif)
