Ռուսաստանի Սանկտ Պետերբուրգի մոտ գտնվող Wildberries-ի լոգիստիկ կենտրոններում տեղի ունեցած հրդեհներից հետո բազմաթիվ վաճառողներ հայտարարել են, որ կորցրել են իրենց ապրանքները և բիզնեսը։
Սոցիալական ցանցերում տարածված տեսանյութերում երևում են լացակումած վաճառողներ, որոնք պատմում են իրենց կորուստների մասին։ Նրանցից մեկը նշել է, որ ամբողջությամբ սնանկացել է, քանի որ պահեստում այրվել է իր ողջ ապրանքը։
Wildberries-ի պահեստների դեմ հարձակումները շարունակվել են մի քանի օր՝ ընդգրկելով Ռուսաստանի տարբեր շրջաններ։ Հրդեհներ են գրանցվել Մոսկվայի, Տամբովի, Կրասնոդարի, Ստավրոպոլի և Սանկտ Պետերբուրգի կենտրոններում։
Ուկրաինան հայտարարել է, որ այդ լոգիստիկ կենտրոնները կարող էին օգտագործվել ռուսական բանակին անօդաչու սարքերի բաղադրիչներ և այլ ռազմական նշանակության ապրանքներ մատակարարելու համար։ Wildberries-ի ղեկավար Տատյանա Կիմը հայտնել է, որ աշխատակիցները տարհանվել են, սակայն կան վիրավորներ։
.gif)
