ՏԵՍԱՆՅՈՒԹ․ Գրտնակի հարվածները, մորը սպանելու պատճառը, շներ բաց թողնելն ու փնտրտուքները. Մելիքգյուղում շոկի մեջ են

Մելիքգյուղում բնակիչները շոկի մեջ են։ Աղմկահարույց սպանությունից օրեր անց գյուղում կրքերը չեն հանդարտվում։ Բնակիչները լացում են ու փորձում գտնել իրենց հարցերի պատասխանը՝ ինչու։

Հուլիսի 22-ին ՆԳՆ ոստիկանությունից հայտնել էին, որ բացահայտվել է Մելիքգյուղում 4 ամիս առաջ եղբայրների կողմից իրենց մորը կյանքից զրկած ու կիսակառույց շինությունում թաղած սպանությnւնը:

«Հուլիսի 22-ին Արագածոտնի մարզային վարչություն հաղորդում է ստացվել 1970 թվականին ծնված Ռ․ Մ․-ի անհետ կորելու մասին։

Արագածոտնի քրեական ոստիկանները, իրացնելով օպերատիվ տեղեկությունները, փաստական տվյալներ են ձեռք բերել, որ այս տարվա մարտ ամսին Մելիքգյուղ գյուղի իրենց բնակարանում կենցաղային հարցերի շուրջ ծագած վիճաբանության ժամանակ 25-ամյա և 20-ամյա եղբայրները գրտնակի հարվածով սպանել են իրենց մորը՝ Ռ․ Մ․-ին։

Հանցագործությունը քողարկելու և հետքերը վերացնելու նպատակով դիակը նրանք տեղափոխել են նշված հասցեի հարևանությամբ գտնվող կիսակառույց շինություն և թաքցրել հողաշերտի տակ։

Հուլիսի 22-ին եղբայրները հայտնաբերվել, ձերբակալվել և տեղափոխվել են Քրեական ոստիկանության Արագածոտնի մարզային վարչություն, որտեղ նրանցից մեկը խոստովանել է կատարվածը։

Երիտասարդները և կազմված փաստաթղթերն ուղարկվել նախաքննական մարմին։

Նախաձեռնված քրեական վարույթի շրջանակում մատնանշած վայրում՝ հողաշերտի տակ, հայտնաբերվել է 56-ամյա կնոջ դին։

25-ամյա և 20-ամյա երիտասարդները ձերբակալվել և տեղափոխվել են ձերբակալվածների պահման վայր»։

Արդյունքում, իրավապահները 25-ամյա եղբորը ազատ են արձակել, քանի որ պարզել են, որ նա դեպքի հետ կապ չունի, իսկ ահա դատարանը սպանությունը կատարող 20-ամյա տղային ազատ է արձակել առողջական խնդիրների պատճառով ու որոշել նրա բուժումը կազմակերպել բժշկակական կենտրոնում։ ArmLur.am-ի նկարահանող խումբը Մելիքգյուղում էր և անձամբ զրուցեց 56-ամյա մորը սպանած 20-ամյա Էդիկի հետ։

Մեր նկարահանման պահին քրեական ոատիկանները շտապեցին դեպքի վայր եւ տնից ձեռնաշղթաները ամրացնելուց հետո 20-ամյա տղային տեղափոխեցին դատարան։ ՀՀ քննչական կոմիտեից պաշտոնապես հայտնեցին. «1 անձի նկատմամբ հարուցվել է հանրային քրեական հետապնդում՝ Քրեական օրենսգրքի 155-րդ հոդվածի 2-րդ մասի 9-րդ կետով (սպանությունը, որը կատարվել է մերձավոր ազգականի կողմից):
Հաշվի առնելով քրեական վարույթում առկա փաստական տվյալները, նրա նկատմամբ անվտանգության միջոց` բժշկական հսկողություն կիրառելու մասին միջնորդություն է ներկայացվել դատարան»։

Քնար Մանուկյան, Հովսեփ Հովսեփյան

Մանրամասները՝ տեսանյութում․