ԱՄՆ նախագահ Դոնալդ Թրամփը Սպիտակ տանը պետական ընթրիք է կազմակերպել Չինաստանի նախագահ Սի Ծինփինի պատվին։ Ընթրիքի ընթացքում երկու առաջնորդները խոսել են ԱՄՆ-Չինաստան հարաբերությունների կարևորության և համագործակցության հնարավորությունների մասին։
Սի Ծինփինը, անդրադառնալով երկու երկրների պատմությանը, հիշատակել է ԱՄՆ-ի և Չինաստանի միջև նախկինում ձևավորված համագործակցության դրվագները, այդ թվում՝ Երկրորդ համաշխարհային պատերազմի տարիներին համատեղ պայքարը և 1972 թվականին ԱՄՆ նախկին նախագահ Ռիչարդ Նիքսոնի այցը Չինաստան։
Չինաստանի առաջնորդը նշել է, որ Վաշինգտոնն ու Պեկինը պետք է շարունակեն համագործակցել՝ ընդգծելով, որ երկու երկրները կարող են առաջ մղել փոխշահավետ հարաբերություններ։
Թրամփն իր հերթին բարձր է գնահատել Սի Ծինփինի հետ հարաբերությունները և հանդիպումն անվանել է արդյունավետ։
Առաջնորդների քննարկումների առանցքում են եղել նաև արհեստական բանականությունը, առևտուրը, Թայվանի հարցը և Իրանի շուրջ ստեղծված իրավիճակը։ Միաժամանակ ԱՄՆ-ն ու Չինաստանը պայմանավորվել են երկարաձգել առևտրային հրադադարը մինչև հունվար։
Սի Ծինփինը ԱՄՆ այցը կավարտի ուրբաթ՝ Սպիտակ տանը թեյի շուրջ հանդիպմամբ և Ազգային արխիվ այցելությամբ։
Անի Վարդանյան
.gif)
