«Ժամանակ» թերթը գրում է. «Ոստիկանապետի տեղակալ, ոստիկանության գեներալ-մայոր Արթուր Օսիկյանի գլխին մութ ամպեր են կուտակվում։
Պատճառը Անձնագրային եւ վիզաների վարչությունում բացահայտված աղաղակող խախտումներն են, որի պատճառով նշված վարչության պետի՝ Նորայր Մուրադխանյանի երկու տեղակալները՝ Արսեն Համբարձումյանն ու Մուշեղ Խաչատրյանը,ազատվել են աշխատանքից եւ ուղարկվել կադրերի ռեզերվ։ Իսկ Մուրադխանյանի հետագա պաշտոնավարման հարցն արդեն իսկ կասկածի տակ է։
«Ժամանակի» տեղեկություններով՝ այդ խախտումները հայտնաբերվել են վերջին օրերին ոստիկանապետ Վլադիմիր Գասպարյանի հրամանով Անձնագրային եւ վիզաների վարչությունում իրականացված ստուգումների արդյունքում։ Խախտումներն ամենատարբեր բնույթի են եղել՝ սկսած տեղեկանքների կեղծված լինելուց, վերջացրած քաղաքացիների դիմումներն ամիսներ շարունակ անարձագանք թողնելուց»:
Առավել մանրամասն` թերթի այսօրվա համարում։
.gif)
