Փետրվարի 20-ին` ժամը 09.33-ին ահազանգ է ստացվել, որ Շիրակի մարզում` Աշոցք-Բավրա ավտոճանապարհին ձնաբքի հետևանքով արգելափակվել է երթևեկությունը և խցանման մեջ են մնացել ավտոմեքենաներ:Ըստ Արտակարգ իրավիճակների նախարարության հաղորդագրության՝ համապատասխան տեխնիկայով մաքրվել է ավտոճանապարհի անանցանելի հատվածը և ժամը 13.45-ի դրությամբ մոտ 80 ավտոմեքենա (մոտ 150 ուղևորներ) շարունակել են երթևեկությունը:Ձնաբքի հետևանքով արգելափակված ավտոմեքենաներ են դուրս բերվել նաև Շիրակի մարզում` Գյումրի-Ամասիա, Աշոցք-Թորոս ավտոճանապարհներից, Մայիսյան գյուղի մոտակայքից, Արագածոտնի մարզում` Ալագյազ-Ծաղկահովիտ, Գեղարքունիքի մարզում` Քարվաճառ-Վարդենիս ավտոճանապարհից (Սոթք գյուղի մոտակայք):
.gif)
