Այսօր առավոտյան՝ ժամը 10.00-ի սահմաններում, Բերդ քաղաքից Մեհրաբի զորամաս մեկնող զինվորական «ՈՒԱԶ» ավտոմեքենան Արծվաբերդ գյուղի տարածքում վթարի է ենթարկվել, ինչի հետևանքով հրդեհ է բռնկվել:
Արծվաբերդի գյուղապետ Վոլոդյա Ուզունյանը armlur.am-ի հայտնեց, որ զինվորական մեքենան երևի անսարք է եղել և բախվել է իր դիրքով ճանապարհից ցածր գտնվող, Ժորա Երիցյանին պատկանող առանձնատանը: Արդյունքում՝ տան 2-րդ հարկն ու տանիքն այրվել են:
Պատահարի հետևանքով զոհվել է Մեհրաբի զորամասի բուժակ, 64-ամյա Արևիկ Բաբասյանը: Նա Արծվաբերդ գյուղի բնակչուհի է, ամուսնացած չէ: Բերդի զինվորական հոսպիտալի պետ Էդիկ Գրիգորյանից տեղեկացանք, որ այրվածքներով հոսպիտալ է տեղափոխվել 2 հոգի՝ մեքենայի վարորդ, ժամկետային զինծառայող Ալիկ Հարությունյանը և այդ զորամասի բուժկենտրոնի պետ Արման Բեջանյանը: Նրանց կյանքին վտանգ չի սպառնում:
Ոսկան Սարգսյան
.gif)
