Ռուսաստանի ԱԻՆ-ը հաստատել է, որ վթարի պատճառով մոսկովյան մետրոյում զոհվել է 22 մարդ:
ԱԻՆ-ի պաշտոնական ներկայացուցիչ Ալեքսանդր Դրոբիշևսկին լրագրողներին հայտնել է, որ 22 մարդ ստացել են կյանքի հետ անհամատեղելի վնասվածքներ: 129 մարդ հոսպիտալացված է Մոսկվայի բուժհիմնարկներում:
Ավելի վաղ ԱԻՆ-ի ղեկավար Վլադիմիր Պուչկովը հայտնել էր, որ դեպքի վայրում փրկարարական աշխատանքներն ավարտվել են, և սկսվում է վնասված հատվածի վերանորոգումը: Մինչ այդ վագոններից տարհանվել էր 200 մարդ:
Այսօր՝ հուլիսի 16-ին, Ռուսաստանի մայրաքաղաքում սուգ է հայտարարվել: Մոսկվայում հետաձգվել են բոլոր մշակութային միջոցառումները. տեղեկացնում է «Ինտերֆաքսը»:
.gif)
