«Պիվի Հակոբը գալիս է` փողը շալակած, մարքսիստը` խելքը շալակած»:

Ընդհանուր առմամբ, փողն ու խելքը միմյանց չեն խանգարում. դրանք կարող են ե՛ւ երկուսը միասին լինել, ե՛ւ միաժամանակ բացակայել: Կոնկրետ մայիսին կայանալիք ընտրություններում խելացի ներկայացող մարքսիստը մրցելու է հարուստ ներկայացող գարեջրագործի հետ, բայց անկախ ունեցած կապիտալից` խելքի կամ փողի տեսքով, երկու թեկնածուներն էլ ընտրողի հույսին են: Եւ ընտրողի որոշելիքն է, թե ում շալակի պարունակությանը նախապատվություն կտա: Սակայն հաշվի առնելով, օրինակ, Հրազդան քաղաքում տեղի ունեցած ընտրությունները, պետք է այսօրվանից ասել, որ ընտրողի համար խելքը վաղուց չափանիշ չէ. նրանց գումարն է հետաքրքրում: