ՀԱՐՑ. Հորեղբորս երեխան առողջական խնդիրներով է ծնվել, հիմա արդեն դպրոց գնալու ժամանակն է: Խնդրում եմ ասել` արդյոք հաշմանդամ երեխայի ծնողներն իրենք են որոշում` հատուկ, թե հանրակրթական դպրոց է գնալու երեխան:
ՊԱՏԱՍԽԱՆ. Համաձայն կրթության մասին Հայաստանի Հանրապետության օրենքի 19 հոդվածի` պետությունը ստեղծում է հատուկ հաստատություններ (այդ թվում` երկարօրյա եւ գիշերօթիկ)` կրթության առանձնահատուկ պայմանների կարիք ունեցող երեխաների կրթությունը կազմակերպելու նպատակով: Հատուկ հաստատությունների տիպերը սահմանում է Հայաստանի Հանրապետության կառավարությունը: Կրթության առանձնահատուկ պայմանների կարիք ունեցող երեխաների կրթությունը ծնողների ընտրությամբ կարող է իրականացվել ինչպես ընդհանուր հանրակրթական, այնպես էլ հատուկ հաստատություններում` հատուկ ծրագրերով: Վարքի շեղում ունեցող անչափահասների ուսուցումը եւ վերադաստիարակումն իրականացնում են հանրակրթական դպրոցները` հաշվի առնելով սովորողների հոգեբանական առանձնահատկությունները:
աջակցության «Ունիսոն» հ/կ
«ԺՈՂՈՎՈՒՐԴ». Խիստ ցանկալի կլիներ, եթե ֆիզիկական շեղումներ ունեցող երեխաների թիվն այնքան քիչ լիներ, որ համապատասխան դպրոցներ հիմնելու կարիքն էլ չլիներ: Այսուհանդերձ, նման երեխաների կրթության հարցն ավելի հարմար է հենց հատուկ դպրոցներում իրականացնել, քանի որ դժվար չէ պատկերացնելը, թե նման երեխաներն ինչպիսի հոգեբանական դժվարությունների կհանդիպեն հանրակրթական դպրոցներում:
.gif)
