ԲՀԿ-ն դեմ է, որ ԱԳ նախարարը մասնակցի Էրդողանի երդմնակալության արարողությանը

«Բարգավաճ Հայաստան» կուսակցության նախագահին կից խորհրդատվական խմբի նիստին քննարկվել են մի շարք հարցեր, այդ թվում՝ ոչ իշխանական կուսակցությունների ներկայացրած 12 կետերի իրականացման ընթացքը:

Ինչպես տեղեկանում ենք ԲՀԿ լրատվական ծառայությունից, այսօր՝ օգոստոսի 26-ին կայացած նիստին քննարկվել են՝

1. ԱԺ հերթական նստաշրջանին ընդառաջ խմբակցության անելիքները,

2. Օրենսդրական նախաձեռնությունների օրակարգը,

3. Քննարկվել է ոչ իշխանական կուսակցությունների ներկայացրած 12 կետերի իրականացման ընթացքն ու տրվել է նախնական գնահատական,

4. Քննարկվել են քառյակի միասնական օրակարգին ներկայացվող առաջարկներ,

5. Քննարկվել են Սահմադրական փոփոխությունների վերաբերյալ ԲՀԿ բացասական դիրքորոշման հիմնավորումները,

6. Հաստատվել է կուսակցության ներկայացուցիչների, ԲՀԿ պատգամավորների մարզային այցելությունների ժամանակացույցը,

7. Ինչպես նաեւ քննարկվել է իշխանությունների կայացրած որոշումը՝ Թուրքիայի նախագահի երդմնակալության արարողությանը ԱԳ նախարարի մակարդակով մասնակցելու որոշումը։ Հաշվի առնելով, որ երկու երկրների միջեւ գոյություն չունեն դիվանագիտական հարաբերություններ, մենք գտնում ենք, որ պետք է ընտրվեր մասնակցության այլ մակարդակ։