ԽՍՀՄ նախկին նախագահ Միխայիլ Գորբաչովը համարում է, որ Արևմուտքը համակերպվել է Ռուսաստանի կազմում Ղրիմի ներգրավման հետ: Այդ մասին նա հայտարարել է «Комсомольская правда» թերթին տված հարցազրույցի ընթացքում:
Գորբաչովի կարծիքով՝ Ուկրաինայի ներկայիս ճգնաժամը ԽՍՀՄ փլուզման հետևանքն է:
«Երբ քննարկվում էին Բելովեժյան պայմանավորվածությունները, հարկավոր էր, իհարկե, վերադառնալ Ղրիմի հարցին», – համոզված է քաղաքական գործիչը:
Նոյեմբերի սկզբին Գորբաչովը մասնակցել է Բեռլինյան պատի փլուզման 25-ամյակի տոնակատարություններին և հանդիպել Անգելա Մերկելի հետ: ԽՍՀՄ նախկին նախագահը Ռուսաստանին և Եվրամիությանը շուտափույթ համերաշխության գալու կոչ է արել:
.gif)
