Հայաստանի հատուկ քննչական ծառայություն է ստացվել ՀՀ ԱՆ ԴԱՀԿ ծառայության Երեւան քաղաքի Արաբկիր եւ Քանաքեռ-Զեյթուն բաժնի հարկադիր կատարողի նկատմամբ կատարված ծառայողական քննության նյութերը:
Պարզվել է, որ հարկադիր կատարողը, 2012 թ. դեկտեմբերից մինչեւ 2013թ. հոկտեմբերն ընկած ժամանակահատվածում, ուրիշի զգալի չափերով գույքը հափշտակելու դիտավորությամբ, կատարողական վարույթներով ԴԱՀԿ ծառայության դեպոզիտ հաշվին վճարելու, ապա պահանջատերերին փոխանցելու համար պարտապաններ Մանվել Մ.-ից գանձել է 40 հազ. 863 ՀՀ դրամ, Արմեն Մ.-ից` 57 հազ. 439 ՀՀ դրամ եւ Անուշ Հ.-ից` 138 հազ. 100 ՀՀ դրամ, նրանց տվել է իր ստորագրությամբ եւ ԴԱՀԿ կնիքով կնքված անդորրագրեր, սակայն գումարները ԴԱՀԿ ծառայության դեպոզիտ հաշվին չի վճարել, այլ պաշտոնեական դիրքն օգտագործելով` յուրացրել է:
Դեպքի առթիվ ՀՀ հատուկ քննչական ծառայությունում նախապատրաստված նյութերով` ՀՀ քրեական օրենսգրքի 179-րդ հոդվածի 2-րդ մասի 1-ին կետով հարուցվել է քրեական գործ:
Կատարվում է նախաքննություն:
.gif)
