Այսօր մամուլի ասուլիսին ՀՀՇ անդամ Հովհաննես Իգիթյանն անդրադարձավ վերջին շրջանում ազատամարտիկներին ծեծի ենթարկելու հետ կապված իրադարձություններին՝ ասելով, որ եթե ազատամարտիկները տեսնեն, որ իշխանությունները չեն լուծում այդ խնդիրները, կարող են բարկանալ և այդ խնդիրները լուծել իրենց իմացած ձևով, ինչը վտանգավոր է:
«Ես դատապարտում եմ ցանկացած բռնություն մարդու նկատմամբ: Երկրապահները կարող են մի օր տեսնել, որ իշխանությունները չեն լուծում խնդիրները և փորձեն այդ խնդիրները լուծել իրենց իմացած ձևերով, ինչը վտանգավոր է»,-ասաց Հովհաննես Իգիթյանը:
Ինչ վերաբերում է ՀԱԿ խմբակցության քարտուղար Արամ Մանուկյանին ծեծի ենթարկելուն, Հովհաննես Իգիթյանը, առողջություն մաղթելով նրան, ասաց.«Քո քվեարկած ԵՏՄ-ն սա է Արամ Մանուկյան, մի վազեք Եվրոպական միության դեսպանների մոտ, որովհետև եթե դուք կողմ եք քվարկում ԵՏՄ-ին ու ժողովրդին էլ ասում եք, թե սա անխուսափելի է, ապա իմացեք՝ սա է լինելու: Գնացեք Պուտինին խնդրեք, որ զանգեն այս իշխանություններին, որ այսպիսի բաներ չարվեն»:
ՀՀՇ անդամը համոզված է՝ այն քաղաքական միջավայրը, որն այսօր առկա է, պայմաններ է ստեղծում այդպիսի բռնությունների համար:
.gif)
