«Մեր թիրախը խոշոր բիզնեսն է»:

Այս անգամ, բարեբախտաբար, ՏՄՊՊՀ ղեկավարը չի սխալվում: Խոշոր բիզնեսն իսկապես նրա ղեկավարած կառույցի նշանակետում է հայտնվել, սակայն հայկական իրականության մեջ ի հայտ է եկել փոխշահավետ տուգանք հասկացությունը: Նախօրեին Սամվել Ալեքսանյանը դեղորայքը հենց այնպես թանկացնելու համար կլորիկ թվացող գումարով տուգանվեց: Բայց պարզվում է, որ նշված գումարը սահմանվածից մի քանի անգամ փոքր էր: Օլիգարխն առանձնապես չտուժեց, իսկ Ա. Շաբոյանն էլ արդեն քանի օր հայտարարում է, թե ինքը ռիսկ է արել Լֆիկի նման մեծահարուստի տուգանել: Սակայն հասարակությունը շարունակում է ձեռք բերվող դեղերի համար նախկինի նման շատ վճարել: