«Երեւանյան կրկես» մշակութային կենտրոնի գեղարվեստական ղեկավար Սոս Պետրոսյանի փոխանցմամբ՝ մինչեւ հունիսի վերջ Հայաստանում առաջին անգամ կստեղծվի Միջազգային կրկեսային գործիչների միություն, որի անդամ կարող են դառնալ մտավորականներ, արվեստագետներ, կրկեսային գործիչներ: Միության նպատակն է խթանել կրկեսային արվեստի զարգացումը: Կրկեսային գործիչների միությունը կունենա նաեւ խորհուրդ, որտեղ կընդգրկվեն լավագույն մասնագետները, կունենա կանոնադրություն, կմշակի ծրագիր: Միության առաջին գործը կլինի 2013թ. արդեն վերանորոգված կրկեսի բացման արարողությանը պատրաստվելը, իսկ ապագա ծրագրերի մեջ է մտնում 2014թ. Լեոնիդ Ենգիբարյանի անվան կրկեսային մրցույթ կազմակերպելը: Սոս Պետրոսյանը նաեւ հիշեցրեց, որ Հայաստանի կրկեսային գործիչները սփռված են աշխարհով մեկ, նրանց թիվը անցնում է 600-ից:
.gif)
