Առուշանյանների գերդաստանն անժամկետ հացադուլ հայտարարեց Նախագահականի առջև (ֆոտո, վիդեո)

Armlur.am-ն արդեն հայտնել է, որ այսօր վաղ առավոտից միաժամանակ երկու բողոքի ակցիա է իրականացվում Նախագահական նստավայրի առջև: Այնտեղ են հավաքվել 1 տարվա աշխատավարձ չստացած Նաիրիտի աշխատակիցներն ու «Մանանա Գրեյն» ընկերության փոխտնօրենի մեքենայից 56 մլն դրամի գողությանն աջակցելու համար 5.6 տարվա ազատազրկման դատապարտված, HSBC բանկի նախկին աշխատակից, 28-ամյա Աշոտ Առուշանյանի հարազատները:

Լրագրողների հետ առանձնազրույցում Աշոտ Առուշանյանի հայրը` Լավրենտ Առուշանյանը, հայտնեց, որ իրենց ողջ գերդասատանն այսօրվանից անժամկետ հացադուլ է հայտարարում: Հացադուլի պատճառը, բողոքավորի փոխանցմամբ, այն է, որ իր որդին դատավորի վարկածի հիման վրա հայտնվել է անազատության մեջ:

«Հանդիպում ենք պահանջում նախագահի հետ: Նրան նամակ են փոխանցել, որով պահանջում ենք, որ նախագահն իր անմիջական հսկողության տակ առնի հատուկ քննչական ծառայությունում գտնվող քրեական գործը` ընդդեմ քննիչ Մուշեղ Ալեքսանյանի և դատախազ Տիգրան Ուզոյանի»,- վրդովված հայտարարեց Աշոտ Առուշանյանը:

Ավելի մանրամասն` Armlur.am-ի տեսանյութերում: