«Առաջին լրատվական»-ի զրուցակիցն է նախկին քաղբանտարկյալ, ազատամարտիկ Մուշեղ Սաղաթելյանը։
– Պարոն Սաղաթելյան, ի՞նչ կարծիք ունեք փետրվարի 20-ի հանրահավաքը հետաձգելու և Գ.Ծառուկյանի հայտարարության մասին: Գիտեմ, որ պատրաստվում էիք հանրահավաքի գնալ:
– Իսկ Դուք չէի՞ք պատրաստվում: Որպեսզի պատասխանս ամբողջական լինի, ասեմ՝ ամեն ոք յուրովի է խելագարվում:
– Դա Ծառուկյանի՞ն է վերաբերում:
– Վերաբերում է ամեն մի անձի, որոնց վրա ՀՀ քաղաքացիները հույս էին դնում. այո՛, Ծառուկյանին: Ամեն ոք ինքն է որոշում՝ ոնց խելագարվի:
– Հիասթափվա՞ծ եք այս իրավիճակից:
– Ոչ, թող իրենք հիասթափվեն, որ իրենք են դժոխքի գործ բացում իրենց գլխում: Ով որ հույս է տալիս մարդկանց, հետո այդ հույսը խափանում՝ դառնում է դժոխքի կենդանի:
– Առանց «Բարգավաճ Հայաստանի» կշարունակե՞ք պայքարը:
– Ավելի սուր ու ավելի ուժեղ ոգով:
– Օրինակ՝ Րաֆֆի Հովհաննիսյանը հայտարարեց, որ ամեն դեպքում վաղը գնալու է Ազատության հրապարակ, հնարավո՞ր է Դուք էլ գնաք:
– Ոչ: Ես կարող է գնամ, բայց ոչ Րաֆֆի Հովհաննիսյանի համար։ Նա էլ իր խաղն է խաղում՝ Գագոյից ավելի վատ: Այսօր լսում էի նրա գոռգոռոցները, ամպագորգոռ հայտարարությունները։ Մի բերան չի ասում, թե Ծառուկյան Գագոն ինչո՞ւ հույս տվեց ու խաբեց իրեն, ինքն էլ չի՞ եռյակի անդամ: Հետո՝ ՀՀ քաղաքացուն, մեկն էլ՝ նաև ինձ:
Մանրամասն՝ սկզբնաղբյուր կայքում:
.gif)
