Այսօր կեսօրից ողջ համացանցը ողողված է տեղեկությամբ այն մասին, որ ԱԺ պատգամավոր Սամվել Ալեքսանյանը զբաղվում է նաեւ պահպանակների բիզնեսով, ընդ որում՝ կեղծ պահպանակներ շուկա լցնելով: Այս առիթով քիչ առաջ Armlur.am-ը զանգահարեց Սամվել Ալեքսանյանի հեռախոսահամարին, և ի զարմանս մեզ` նա պատասխանեց մեր զանգին:
– Պարո’ն Ալեքսանյան, իսկապես հիմա էլ պահպանակների բիզնեսո՞վ եք զբաղվում: Այդ լուրը կայծակի պես տարածվեց:
– Ազի’զ ջան (ծիծաղում է….), ես այդ բիզնեսով չեմ զբաղվում: Բայց մեծ հաճույքով մի հատ էդ լուրը գրողի, մի հատ էլ զակազչիկի գլխին, կասեմ, կքաշեն դրանից: Էսքանը կարաս գրես իմ անունից:
Ալեքսանյանն այս նախադասությունից հետո անջատեց հեռախոսը եւ այլեւս չպատասխանեց մեր հեռախոսազանգերին:
Հիշեցնենք, որ երկու տարի առաջ էլ, երբ լուրեր տարածվեցին, թե Սամվել Ալեքսանյանը սգո պարագաների բիզնեսով է զբաղվում, նա գրեթե նույնաոճ պատասխան էր տվել. «Ես սգո պարագաների բիզնեսով չեմ զբաղվում, բայց էդ լուրը տարածողների թաղումը մի անգամ հավեսով կկազմակերպեմ»:
.gif)
