13 մարտի, 2015 թ., Երևան. Beeline-ը հայտարարում է «Կապի մեջ+» ռոումինգ ծառայության գործարկման մասին: Ծառայությունը կգործի Ռուսաստանի Դաշնության, Վրաստանի, Ուկրաինայի, Իտալիայի, Ղազախստանի, Ղրղզստանի, Տաջիկստանի, Ուզբեկստանի տարածքում` Beeline, Kyivstar, Wind օպերատորների ցանցերում գտնվող «ԱրմենՏել» ՓԲԸ բջջային կապի կանխավճարային և հետվճարային հաշվարկային համակարգի բաժանորդների համար:
«Beeline-ը շարունակում է հանդես գալ նոր առաջարկներով, որոնք ոչ միայն պարզ են և հարմար, այլ նաև հնարավորություն են ընձեռում մեր բաժանորդներին մատչելի սակագնով օգտվել որակյալ կապից թե´ Հայաստանի տարածքում, թե´ դրա սահմաններից դուրս: Առավել քան համոզված եմ, որ «Կապի մեջ+» ծառայությունը, ռոումինգի ցածր գների շնորհիվ, կարճ ժամանակահատվածում մեծ տարածում կգտնի մեր բաժանորդների շրջանում»,- նշել է Հայաստանում Beeline-ի գլխավոր տնօրեն Անդրեյ Պյատախինը:
Գտնվելով Beeline ցանցում Վրաստանում, Ռուսաստանում և ԱՊՀ այլ երկրներում, Wind ցանցում Իտալիայում կամ Kyivstar ցանցում Ուկրաինայում՝ հաճախորդները կարող են ընդունել մուտքային զանգեր, ինչպես նաև զանգահարել Հայաստանի Beeline բջջային հեռախոսահամարներին 49.99 դրամ մեկ միասնական սակագնով: Նշենք, որ 1ՄԲ բջջային ինտերնետի արժեքը ևս կազմում է 49.99 դրամ, իսկ մուտքային SMS հաղորդագրություններն անվճար են:
«Կապի մեջ+» ռոումինգ ծառայությունը գործում է մինչև 2015 թ. հունիսի 15-ը ներառյալ: Այն կարելի է ակտիվացնել` հավաքելով *655# հրահանգը, իսկ ապաակտիվացնել՝ *650#: Ծառայության ակտիվացման գումարը կազմում է 290 դրամ։ Ծառայությունից օգտվելու համար Հայաստանից մեկնելուց առաջ անհրաժեշտ է ակտիվացնել ռոումինգը` հավաքելով #351*0000# հրահանգը կանխավճարային հաշվարկային համակարգի ֆիզիկական անձ հանդիսացող բաժանորդների համար կամ *500# հրահանգը` հետվճարային հաշվարկային համակարգի բաժանորդների համար:
«Կապի մեջ+» ռոումինգ ծառայության մասին լրացուցիչ տեղեկատվություն կարող եք ստանալ Beeline վաճառքի և սպասարկման գրասենյակներում, զանգահարելով 0611 հեռախոսահամարին կամ այցելելով www.beeline.am կայք։
.gif)
