![](https://armlur.am/wp-content/uploads/2015/06/11335747_836954629731671_1178191204_o.jpg)
«Օրենքով գող» Զախարի Կալաշովը, ով քրեական աշխարհում հայտնի է Շաքրո Մոլոդոյ մականվամբ ու համարվում է 2013թ Մոսկվայում սպանված Ասլան Ուսոյանի (Դեդ Հասանի) իրավահաջորդը, սկսել է «գողական ակտիվների» ստուգումները, գրում է «Փրայմ Քրայմը» (PC): Հրատարակչության տվյալներով՝ «գողական օբշյակը» երկար ժամանակ է` վերահսկում էին «պիչուգինականները»՝ Սիկտիֆկարից «օրենքով գող» Յուրի Պիչուգինի կողմնակիցները:
![77c26d2307387bf171a3a48d625e1e3c](https://armlur.am/wp-content/uploads/2015/06/77c26d2307387bf171a3a48d625e1e3c1.jpg)
Նրան զուգահեռ հաշվապահություն է տարել 46-ամյա «օրենքով գող» Էդուարդ Ասատրյանը (Էդիկ Թիֆլիսցին): «Նրա ամփոփիչ գումարները չեն համընկել այն գումարների հետ, որոնք իրականում եղել են դրամարկղում»,- գրում է PC:
Սա ստիպել է Շաքրոյին անկախ աուդիտ իրականացնել: Առաջին հետևություններն արդեն արվել են: Այսպես, Ռյազանի շրջանի գաղութում ստուգումների ժամանակ պարզվել է, որ այդ շրջանի «գողական բյուջեում» մի քանի տարվա ընթացքում ճեղքվածք է առաջացել:
![39542275b20d3be91db42aead9c3716c](https://armlur.am/wp-content/uploads/2015/06/39542275b20d3be91db42aead9c3716c.jpg)
Այդ տարածքի «նայողը» համարվում էր 33-ամյա «օրենքով գող» Դավիդ Բոժաձեն (Ռոկո Թբիլիսցի), ով այժմ իր պատիժն է կրում Խաբարովսկի երկրամասում: Ռոկոյի անունից ռոստովցիների փողերը հավաքել են նրա օգնականները, իսկ նա դրանք ծախսել է` ըստ իր հայեցողությամբ:
Շաքրոյի կողմից անցկացված ներքին ստուգումների արդյունքներով՝ Ռոկո Թբիլիսցու կարիերայում վերջակետ է դրվել:
«Նրան անվերադարձ զրկել են «գողական» տիտղոսից, «առնետ» են հայտարարել (նա, ով գողանում է յուրայիններից) ու պարտավորեցրել են բյուջե վերադարձնել իր վրա ծախսած միլիոնները»,- գրում է հրատարակչությունը:
![0135bdf82207a6c2b726cfdd7e8cbe3f](https://armlur.am/wp-content/uploads/2015/06/0135bdf82207a6c2b726cfdd7e8cbe3f-600x400.jpg)