«Ժողովուրդ» օրաթերթը գրում է. «Այսօր ԱԺ գարնանային նստաշրջանի ավարտից հետո, «Ժողովուրդ»-ի տեղեկություններով, ԱԺ ԲՀԿ խմբակցության անդամները կրկին քաղաքից դուրս են գալու: ԲՀԿ-ական օրենսդիրները որոշել են նշել նստաշրջանի ավարտը եւ դա պատրաստվում են անել Հայաստանի գեղատեսիլ վայրերից մեկում: Թե որտեղ, երեկվա դրությամբ մեզ չհաջողվեց ճշտել: Խնջույքի հեղինակ-կազմակերպիչը, ինչպես միշտ, ԱԺ ԲՀԿ խմբակցության պատգամավոր Աբրահամ Մանուկյանն է, որը «տղերքին» տանելու է լիցքաթափվելու:
Սակայն ուշագրավն այն է, որ այդ քեֆին մասնակցող պատգամավորների գերակշիռ մասը մի քանի տարվա պատգամավորական գործունեության ընթացքում երբեւէ ոչնչով աչքի չի ընկել: Նրանք սովորաբար նիստերի մեկնարկից հետո դահլիճում մնում են մոտ 10 րոպե, այնուհետեւ հեռանում: Դահլիճում նրանց ներկայությունը երբեմն ձգվում է միայն այն պատճառով, որ այդ անգամ սովորականից շատ կոճակ սեղմելու կարիք է լինում: Փաստորեն կոճակ սեղմելուց էլ են հոգնում»:
Ավելի մանրամասն` թերթի այսօրվա համարում:
.gif)
