Վրաստանի վարչապետ Իրակլի Ղարիբաշվիլին շնորհակալություն է հայտնել իր օտարերկրյա գործընկերներին՝ Թբիլիսիում ավերիչ ջրհեղեղի հետևանքով ստեղծված իրավիճակում վրացական կողմին առաջարկված աջակցության համար:
«Զանգահարել են Հայաստանի, Լատվիայի, Ադրբեջանի, Թուրքիայի, Ուկրաինայի վարչապետները: Նրանք պատրաստ են մեզ օգնել. ցանկանում եմ շնորհակալություն հայտնել նրանց»,- նշել է Վրաստանի վարչապետը:
Միևնույն ժամանակ, Իրակլի Ղարիբաշվիլին հավելել է, որ առաջարկներ են եղել նաև այդ երկրների Արտակարգ իրավիճակների պետական կառույցներից, սակայն իրենց դեռ լիովին բավարար են սեփական ռեսուրսներ:
Ինչպես հայտնել էինք, օգնություն էր առաջարկել նաև ՀՀ ԱԻՆ-ը:
Հաղորդել էինք նաև, որ ջրհեղեղի հետևանքով արձանագրված զոհերի թվում կան հայեր:
.gif)
