Բնակարանում դիակ է հայտնաբերվել

Հունվարի 22-ին, ժամը 11.52-ին ահազանգ է ստացվել, որ Գյումրի քաղաքի Կոստոյան փողոցի թիվ 6 շենքի  27-րդ բնակարանի բնակիչը չի արձագանքում դռան եւ հեռախոսի զանգերին. անհրաժեշտ է փրկարարների օգնությունը: ԱԻՆ լրատվական ծառայությունից հայտնում են, թե դեպքի վայր է մեկնել մարզային փրկարարական վարչության փրկարար ջոկատը: Փրկարարները բացել են սենյակի դուռը` հատակին հայտնաբերվել է 1930 թ. ծնված Գոհար Մինասյանի դին: