«Ժամանակ» թերթը գրում է. «Արդեն իսկ մեկնարկում է Աբովյանի նորընտիր քաղաքապետ Վահագն Գևորգյանի նախկին հակառակորդի՝ «Քինգ Դելյուքս» ընկերության տնօրեն, «Պալաչ» մականունով Արթուր Հարությունյանի նկատմամբ հաշվեհարդարը, ինչը սկսվելու է նրա բիզնեսներից. նշենք, որ նա իրականացնում է Աբովյանի ներքաղաքային, միջքաղաքային և միջմարզային ուղևորափոխադրումները: Նորընտիր քաղաքապետը մեզ հետ զրույցում հայտնեց, որ քաղաքացիները իրեն բողոքել են ուղևորափոխադրման որակից, ուստի նոր մրցույթ է հայտարարվելու:
Մեր հարցին՝ միգուցե Ծառուկյանի կողմնակիցներն են կազմակերպված դժգոհում, որպեսզի նրան զրկեն այդ բիզնեսից, Վ. Գևորգյանը պատասխանեց. «Ես չէ, որ պետք է զրկեմ, մրցույթին պետք է մասնակցեն այն կազմակերպությունները, որոնք համոզված կլինեն, որ կարող են առաջիկա տարիներին նորմալ ուղևորափոխադրում կատարել Աբովյանում»»:
Ավելի մանրամասն՝ թերթի այսօրվա համարում։
.gif)
