«Ե՞ս եմ մեղավոր, որ քո էրեխեքը Ռուսաստանում են: Տենց եք մտածում, որ խիարը թարս ա բուսնում»:

Իսկ ո՞վ է մեղավոր, որ երկրում կյանքի պայմաններն անտանելի են, որ բնակիչներին շահագործում են որպես էժան աշխատուժ, որ օլիգարխները, մենաշնորհներ ստեղծելով, թալանում են ժողովրդին: Ժողովո՞ւրդը, թե՞ հենց թալանողները, օլիգարխներն ու իշխանությունները: Իսկ «խիարը» թարս վաղուց է սկսել աճել մեր հոյակապ իշխանությունների ջանքերով: Ի դեպ, «խիար»-ը պարսկերեն բառ է, օգտագործվում է նաեւ խոսակցական լեզվում, մասնավորապես «քուչի» բարբառում, իսկ հայերեն տարբերակը վարունգն է: Այս կապակցությամբ հիշեցնենք, որ Ս. Սարգսյանն ավարտել է ԵՊՀ բանասիրության ֆակուլտետը: