«Կան թեկնածուներ, որոնց պահվածքից կարելի է մի լավ զվարճանալ, բայց ինչպես հայտնի հերոսն է ասում` այս ամենը զվարճալի կլիներ, եթե այդքան ողբերգական չլիներ: Այնպես որ, ժամանակն է «մեծ դարպասը» փոխարինել «մաղով»»:
Իհարկե, պատգամավորի զբաղմունքն այնպիսին է, որ պետք է հնարավորինս շատ ոլորտներից տեղյակ լինի ու շատ բան հասկանա: Ու դարպասը մաղով փոխարինելու մասին հանրապետական այս օրենսդիրի ձգտումներն այդ տեսանկյունից տրամաբանական են: Բայց անհասկանալի է, թե ինչու են զվարճալի իրավիճակից դժգոհում իշխանական գործիչները: Հենց նրանց անմիջական ջանքերով է այսօր Հայաստանում ձեւավորվել համահայկական կլոունադան: Ո՞ւմ են մեղադրում այդ ողբերգության մեջ: Ի վերջո, շատերը ցանկացան թեկնածու դառնալ, բայց ոչ բոլորին 8 մլն ընտրագրավ մուծելու հնարավորություն տրվեց:
.gif)
