«Արդյունքում կարելի է նստել, ամենատարբեր ձեւերով փորձարկել: Ես քվեարկել եկել եմ, որեւէ կերպ չի անդրադառնում: Եթե պետք է տարբեր փորձարկումներ անեն անձնագրի մեջ, դա անընկալելի երեւույթ է»:
Իսկ ո՞րն է, ըստ Տիգրան Մուկուչյանի, ընդունելի երեւույթը. ցնդող-անհետացող թանաքով կնիքներ դնե՞լը, լցոնումնե՞րը, ցուցակներում խախտումնե՞րը, թե՞ այլ տեսակի կեղծիքները: Ամբողջ օրվա ընթացքում ահազանգվող խախտումները ԿԸՀ նախագահը վարպետորեն հերքեց, կառչեց անձնագրի մեջ միայն «փորձարկումներ» անելուց: Ուրեմն բացահայտ ճշմարտությունն արձանագրելը փորձարկո՞ւմ է, այն դեպքում, երբ հենց «Ժողովուրդ»-ի աշխատակիցների անձնագրերից կնիքներն անհետացան ընդամենը մատի հպումով: Կարծում ենք՝ ամենաանընդունելի երեւույթը հենց Տ. Մուկուչյանի այդ պահվածքն է:
.gif)
