Թուրքիայի վարչապետ Ահմեդ Դավութօղլուն ցանկություն է հայտնել, որպեսզի Սիրիայի նախագահ Բաշար Ասադը ընդմիշտ մնա Ռուսաստանում և իր ժողովրդին հանգիստ թողնի, փոխանցում է Reuters-ը:
«Մենք կարծում ենք, որ սիրիական կառավարությունն այլևս լեգիտիմ չէ, և մեր դիրքորոշումն այդ հարցով չի փոխվել: Սիրիայում պետք է անցումային փուլ սկսվի, որը կապահովի Ասադի հրաժարականը»,-նշել է Դավութօղլուն:
«Եթե Ասադը ընդմիշտ մնար Մոսկվայում, Սիրիայի ժողովուրդը հանգիստ կլիներ: Այդ դեպքում նույնիսկ իրական անցումային փուլ կարող էր սկսվել Սիրիայի համար»,-հավելել է նա:
Ավելի վաղ հայտնի է դարձել, որ Բաշար Ասադը մեկնել է Մոսկվա, որտեղ հանդիպել է ՌԴ նախագահ Վլադիմիր Պուտինի հետ:
.gif)
