Մայիսի 10-ին ոստիկանության Մալաթիայի բաժին է դիմել 1936 թ. ծնված Գագիկ Վ.-ն եւ հայտնել, որ նույն օրը, ժամը 11.00-ին, տեխնիկական միջոցների գործադրմամբ, դռան փականը բացելով, մտել են սեփականության իրավունքով իրեն պատկանող, Էջմիածնի հին խճուղում գտնվող էլեկտրամատակարարման կայան եւ գողություն կատարելու նպատակով, զոդման սարքով ապամոնտաժել էլեկտրական սարքավորումները` պատճառելով 250.000 դրամի նյութական վնաս:
Ոստիկանության լրատվության վարչությունից հայտնում են, որ մեկնած օպերատիվ խումբը նշված վայրից բերման է ենթարկել 1991 թ. ծնված Կարեն Ա.-ին եւ 1968 թ. ծնված Իգոր Ֆ.-ին, որոնք խոստովանել են, որ նշված հանցագործությունը կատարել են իրենք: Կատարվում է հետաքննություն:
.gif)
