«Էդքան ժամանակ վատ վիճակում մնացի, ոչ մեկ չի ասում՝ ինչով օգնեմ». Աշոտ Աղաբաբյանի հույսը «դրսի» գործընկերներն են. «Հրապարակ»

«Հրապարակ» օրաթերթը գրում է. «Պատգամավոր, «Հրազդան» մարզադաշտի սեփականատեր Աշոտ Աղաբաբյանը՝ Բուռնաշը, մեր տեղեկություններով, առաջիկայում պատրաստվում է մարզադաշտի առողջացման ծրագիր ներկայացնել, որի մեջ կմտնի նաև բաժնեմասեր վաճառելը։ Ստադիոնը «փրկելու» նպատակով Աղաբաբյանը բանակցում է «դրսի» գործընկերների հետ. «Նրանցից ենք աջակցություն ակնկալում, թե չէ Հայաստանում ո՞վ պետք է փող տա, որ բանակցենք։ Հայաստանում մենակ վերցնում են։ Էդքան ժամանակ վատ վիճակում մնացի, ոչ մեկ չի ասում՝ ինչով օգնեմ»։ Առողջացման ծրագրի հստակ ժամկետ նա չի նշում։ Հիշեցնենք, որ դատարանի վճռով սնանկ ճանաչված «Հրազդան» մարզադաշտի պարտքը կազմում է մոտ 4 մլն. դոլար։ Մինչդեռ, սեփականատիրոջ խոսքով, ստադիոնն արժե 50 մլն»:

Ավելի մանրամասն՝ թերթի այսօրվա համարում։