Ֆրանսիայի նախագահ Ֆրանսուա Օլանդը հայտարարել է, որ Ռուսաստանը պետք է դադարի աջակցել Սիրիայի նախագահ Բաշար Ասադին, փոխանցում է Reuters-ը:
Այս մասին նա հայտարարել է Europe1 հեռուստաալիքի հարցազրույցում:
«Ես պահանջում եմ Ռուսաստանից դադարեցնել այդ գործողությունները, քանի որ հազարավոր մարդիկ են գալիս Ֆրանսիա, ովքեր ստիպված են եղել փախչել այդ ռմբակոծություններից: Մենք պետք է երաշխիքներ ունենանք, որ Բաշար Ասադը հրաժարական կտա»,-ասել է Օլանդը:
Օլանդի հայտարարությունը հնչել է երկրում նոր արտգործնախարար նախկին վարչապետ Ժան-Մարկ Էրոյի նշանակման ֆոնին, ով փոխարինում է Լորան Ֆաբիուսին:
Թարգմանիչ՝ Քրիստինե Պողոսյան
.gif)
