ՈՒՇ Է ԵՂԵԼ, ԲԱՅՑ ՆՈՒՇ Է ԵՂԵԼ

Լուրերն այն մասին, որ երգչուհի ՍՈՆԱ ՇԱՀԳԵԼԴՅԱՆԸ հիմա նաեւ պրոդյուսեր է, հաստատեց հենց ինքը: Պարզվեց, որ երգչուհին նույնիսկ ծանոթ էլ չէ այն երիտասարդի հետ, ում ինքը “որոշակի հարցերում օգնելու եւ խորհուրդներ է տալու”: Սկսնակ երիտասարդ երգիչ Հրանտն ապրում է Ֆրանսիայում: Սոնայի խոսքով՝ Հրանտն է իրեն դիմել, ինքն էլ չի մերժել:

-Կաշխատեմ շատ հարցերում օգնել, ինչ-որ լավ բան անել, դա կլինի թե՛ երգի, թե՛ տեսահոլովակի տեսքով: Ես մեծ ճանապարհ եմ անցել, կարող եմ խորհուրդ տալ: Ավարտել եմ երաժշտական դպրոց, Կոնսերվատորիա, մասնագիտականս թույլ է տալիս: 

-Նույնիսկ վոկալի դասեր եմ տվել տանը, ով որ ցանկացել է: 

-Ճիշտն ասած, ինձ երբեք “Տաշիր”-ին չեն հրավիրել, իսկ “Արմենիա”-ին անցած տարի արժանացա “Տարվա լավագույն երգչուհի” կոչմանը: Չգիտեմ՝ ինչու “Տաշիր”-ին չեն հրավիրում, չեմ էլ նեղվում, բնույթով լավատես մարդ եմ, ինչ մրցանակներ էլ տվել են, իրենց կամքով է եղել, ուշ է եղել, բայց նուշ է եղել: Ուրեմն այդպես է Աստված կամեցել: Օրինակ`”Նոր ալիք”-ում հաղթելը շատ մեծ մրցանակ էր ինձ համար:

-Ես հանգստանալու էի գնացել, հասցրեցի լինել Կաննում, Նիցցում, Մոնակոյում, բայց նաեւ էնտեղի հետ կապված գործեր ունեի: 12 օր հանգստացել եմ, մասնակցել Կաննի փառատոնին, բացմանն եմ եղել, շատ արտիստների եմ տեսել: Եվրոպան ինձ համար մնում է Եվրոպա, ամեն ինչն էր շատ ճիշտ, մաքուր… Շատերին գուցե դուր չի գալիս, բայց ես հավանում եմ:

–Ի՞նչ գործեր ունեիք Ֆրանսիայում:

-Համերգների հետ կապված, ուզում եմ շրջագայել այնտեղ: Ֆրանսերեն երգս էլ ֆրանսիական մի շարք ռադիոկայաններում արդեն հնչում է: Այս անգամվա այցս զուտ հանգստանալու նպատակով էր, որովհետեւ շատ քիչ եմ հանգստանում: Ամեն օր աշխատում եմ ակումբում, կենդանի հնչողությամբ երգում եմ 5-6 ժամ, դա բավական բարդ գործ է: Վերջին ամիսներին շատ եմ հոգնում: Գյումրիում 2 ամիս առաջ ունեցա մենահամերգ, շատ գոհ էր էնտեղի ժողովուրդը, շատ պահանջկոտ, բայց ինձ լավ ընդունեցին: Նրանք սրտանց, հոտնկայս ծափահարում էին: Էլի շրջաններից հրավերներ ունեմ, հանդես կգամ: Ես անընդհատ աշխատում եմ, բայց չեմ բարձրաձայնում դրա մասին: 

–Իսկ ինչի՞ վրա եք ծախսում Ձեր վաստակած գումարը:

-Ես ինձանով եմ աշխատում, ստեղծում: Իմ վաստակածն էլ իմ գործերի վրա եմ ծախսում, նոր երգերի, տեսահոլովակների: Եթե ես լինեի ուրիշ երկրում, ուրիշ ձեւ կլիներ, բայց եթե առաջարկներ լինեն, ես կգնամ, իմ մենահամերգներով հանդես կգամ: 

-Կարծում եմ՝ դրանում խոսք ու կասկած չկա, որ երգն իմն է: Ի սկզբանե կոմպոզիտորը երգը կատարելու մենաշնորհն ինձ է տվել: Ես հիմա չէի ուզի խառնվել այդ ամենի մեջ, դա կոմպոզիտորի եւ նրա խնդիրներն են: Չեմ ուզում ոչ մի կռվի մեջ մտնել, PR-ներով կայանալ, չեմ սիրում նման բաներ: Ես որոշել եմ, որ այդ երգը կունենա նաեւ տեսահոլովակ, իսկ շատ շուտով կլինի նաեւ իմ ,Հարսի շորե երգի պրեմիերան: 

-Դա հատուկ նորապսակների համար պատվիրված երգ է, որը ես սիրով եմ կատարել, ասեմ, որ ամեն տեղ այն չեմ կատարում: Իսկ թե ով է պատվիրել՝ հարուստ, թե ոչ հարուստ, դա այդքան էլ էական չէ: Ես իրավունք էլ չունեմ խոսել այդ հարցի շուրջ:

-Շատ դժվար հարց եք տալիս: Ասում են՝ ամեն ինչ մարդու ձեռքում է, բայց միշտ չէ դա այդպես, բնականաբար կամուսնանամ, հո էսպես չե՞մ մնա: Ես գիտեմ, որ ընտանիքից լավ բան չկա, բոլորն էլ ուզում են ունենալ:

“Ժողովուրդ” օրաթերթի 557 համար