Էթիկայի հանձնաժողովը Շուշան Պետրոսյանին առավել ագրեսիվ գործելու քարտ բլանշ տվեց. Ազգային ժողովի «բռնաբարված էթիկան» ու «լակոտները» (տեսանյութ)

ՀՀ Ազգային ժողովի էթիկայի հարցերով հանձնաժողովը երեկ կայացրած որոշմամբ երգչուհի պատգամավոր Շուշան Պետրոսյանին քարտ բլանշ տվեց` առավել ագրեսիվ վարքագծով հանդես գալու այն մարդկանց դեմ, ովքեր ունեն իրենից տարբերվող կարծիք: Իսկ ո՞րն է Շուշան Պետրոսյանի «հմայքը», որ նրա հեղինակությունը մի քանի պատգամավորներ հատուկ հանձնարարությամբ առավել բարձր գնահատեցին, քան օրենսդիր մարմնի վարկանիշը:

Ինչպես հայտնի է՝ երգչուհին Ազգային ժողովի պատգամավորի մանդատ ստացավ Սերժ Սարգսյանի անմիջական հովանավորությամբ, որպեսզի ՀՀԿ կանանց թեւը նոր, հետաքրքիր իդեաներով լցներ: Բայց Շուշան Պետրոսյանը ԱԺ-ում առանձնապես չփայլեց ու շարունակում է գործունեություն ծավալել ԱԺ-ից դուրս, ինչի համար ամենեւին էլ պետք չէր, որ մանդատով «զարդարվեր»:

Նա օգտագործելով իր անունը, կապերը՝ ԱԺ գործարար պատգամավորներից կամ ոչ պատգամավոր գործարարներից ինչ-որ բաներ է խնդրում, վերցնում ու տանում է զորամասեր: Թե ձեռքբերածից որ մասն է իր անունից ներկայացնում, որը ոչ, դժվար է տարբերակել, բայց փաստ է, որ նա այս պահին ՀՀ ՊՆ ղեկավարության հետ սերտ հարաբերություններ ունի: Եւ որպեսզի առավել ամրապնդի ունեցած կարգավիճակը, պատրաստ է հետ չմնալ հրապարակային «բռնաբարության պատրաստակամություն» հայտնած պատգամավոր Առաքել Մովսիսյանից` Շմայսից:

Մանրամասները` Armlur.am-ի տեսանյութում:

Թամարա Միքայելյան, Հովսեփ Հովսեփյան, Նարեկ Սարգսյան