ArmLur.am-ն արդեն հայտնել էր, որ Գյումրու անօթևանների աջակցությանն ուղղված դրամահավաքի արդյունքում կա արդեն 11 բնակարան, որոնց գնման պրոցեսը արդեն սկսվել է: Այսօր նախաձեռնության սոցցանցի էջից հայտնի դարձավ, որ բնակարանները արդեն 22-ն են:
«Հայաստանի էլեկտրական ցանցեր» ընկերության բաժնետեր, «Տաշիր» ընկերությունների խմբի նախագահ Սամվել Կարապետյանն ու «Գյումրին առանց տնակների» հիմնադրամը այսօր կնքել են պայմանագիր, ըստ որի՝ ևս 10-ը բնակարան է տրամադրվելու անօթևան ընտանիքներին:
Ընկերության աշխատակազմի կողմից կընտրվեն ծայրահեղ ծանր պայմաններում ապրող այն ընտանիքները, որտեղ բնակվում են երեխաներ, հաշմանդամ և տարեց մարդիկ:
Բացի այդ՝ ընկերության ղեկավար անձնակազմի և կոլեկտիվի անձնական միջոցների հաշվին ձեռք է բերվում ևս երկու բնակարան՝ առաջնորդվելով դրանց բաշխման նույն սկզբունքներով:
Սյուզի Մուրադյան
.gif)
